Бүгүн «Чоң-Капка» көзөмөл-өткөрмө пунктунун иши убактылуу токтотулат. Бул тууралуу УКМКнын Чек ара кызматынын маалымат жана коммуникация башкармалыгы билдирди.
Маалыматка ылайык, техникалык иштерге байланыштуу саат 16.00дөн 19.00гө чейин адамдарды, транспорт каражаттарын жана жүктөрдү өткөрүү убактылуу токтотулат.
УКМКнын Чек ара кызматы жарандардан сапарларды алдын ала пландаштырууну суранат.
Белгилей кетсек, «Чоң-Капка» өткөрмө пункту кыргыз-казак чек арасында жайгашкан.
