ЖК комитети Малик Бектургановду башкы прокурорлук кызмат талапкерлигине жактырды

Жогорку Кеңештин комитети Малик Бектургановдун башкы прокурордук кызматка талапкерлигин жактырды. Мындай чечим бүгүн Сот-укук маселелери, укук тартиби, кылмыштуулук менен күрөшүү жана коррупцияга каршы аракеттенүү боюнча комитеттин жыйынында кабыл алынды.

Депутат Жылдыз Курманалиева чет өлкөдөгү Кыргызстандын жарандарынын маселелерин жана көйгөйлөрүн ыкчам чечүү үчүн башкы прокурорду Орусияда көзөмөлдөөчү органдын өкүлчүлүгүн эртерээк ачууга чакырды.

Депутаттар жаңы башкы прокурорду жарандардын даттанууларына ыкчам чара көрүүгө чакырышты.

Кыргызстандын жаңы башкы прокурору тууралуу эмне белгилүү:

• Малик Бектурганов 1974-жылы 17-декабрда Фрунзе шаарында туулган.
• Жусуп Баласагын атындагы Кыргыз мамлекеттик улуттук университетин «юриспруденция» адистиги боюнча аяктаган.
• Эмгек жолун «Кыргызстан» АКБнын Биринчи май бөлүмүндө юрист болуп баштаган.
• 1998-1999-жылдары Бишкек шаарынын эки районунда прокурордун стажёр-жардамчысы болуп иштеген. Кийин Бишкек шаардык прокуратурасынын прокуратура органдарындагы кылмыштарды тергөөгө көзөмөл жүргүзүү бөлүмүнүн прокурору болгон. 2002-жылдан тарта Кыргызстандын Башкы прокуратурасынын ички иштер жана прокуратура органдарындагы кылмыштарды тергөөгө көзөмөл жүргүзүү бөлүмүнүн прокурору болгон.
• 2002—2003-жылдары Бишкек шаарынын прокурорунун улук жардамчысынын милдетин аткаруучу, жардамчысы болгон.
• 2003-жылдан тартып — Бишкек шаардык прокуратурасынын ички иштер жана прокуратура органдарындагы кылмыштарды тергөөгө көзөмөл жүргүзүү бөлүмүнүн улук прокурору.
• 2003—2005-жылдары Бишкек шаардык прокуратурасынын кылмыштарды тергөөгө көзөмөл жүргүзүү бөлүмүнүн ички иштер жана прокуратура органдарындагы кылмыштарды тергөөгө көзөмөл жүргүзүү секторунун улук прокурору болуп эмгектенген.
• 2005—2007-жылдары — Бишкек шаардык прокуратурасынын кылмыштарды тергөөгө көзөмөл жүргүзүү бөлүмүнүн кылмыштарды тергөөгө көзөмөл боюнча секторунун башчысы. 2007-жылы Бишкек шаардык прокуратурасынын өзгөчө маанилүү иштер боюнча улук тергөөчүсү болгон.
• 2007—2011-жылдары — Башкы прокуратуранын тергөөчүсү, андан кийин өзгөчө маанилүү иштер боюнча улук тергөөчүсү.
• 2011—2013-жылдары — Башкы прокуратуранын ыкчам-издөө жана кылмыш-процесстик ишмердүүлүккө көзөмөл жүргүзүү башкармалыгынын башчысы.
• 2013—2015-жылдары — Башкы прокуратуранын ыкчам-издөө ишмердүүлүгүн жана тергөө жүргүзгөн органдардын мыйзамдарды сакташына көзөмөл жүргүзүү башкармалыгынын башчысы.
• 2018—2021-жылдары — Бишкек шаарынын прокурорунун орун басары.
• 2021—2022-жылдары — Жалал-Абад шаарынын прокурору.
• 2022—2024-жылдары — Ош шаарынын прокурору.
• 2024-жылдын 7-июнунан тартып — Кыргыз Республикасынын башкы прокурорунун орун басары.
• 2026-жылдын февралында — Башкы прокурордун биринчи орун басары болуп дайындалган.
• 2026-жылдын июнь айында — Кыргызстандын башкы прокурорунун милдетин аткаруучу болуп дайындалган.